Posted in Flow of thoughts

Pilosopiya sang Linggwahe

Samtang nagadalum ang kagab-ihun,
Mga estudyante nagabirada sang pagtuluon.
Wala untat nga mga balasahun,
Asta makalambot sa kaagahun.

Kape ang permi ginatagay,
para mga mata indi magpahuway.
Sa kada panid nga mabasa,
Kape nga mainum isa man ka tasa.

Kabuhi sang mga maestra nga nagaeskwela,
indi basta- basta.
Labi na gid kung sa isa ka buluthuan
Nga sikat diri sa kanluran kag Perlas sang Silanganan.

Apang ang ila nga pag-antos,
gamay lamang sa isa ka gatos.
Kung sila makatapos,
Linibo man ang balos.

-mcdelosreyes